Parashikimi i motit 25 Shkurt 2025/ Vranësira të dendura, reshje shiu e dëbore

Ditën e sotme në vendin tonë, depërtimi i masave ajrore të paqëndrueshme do të vijojnë ndikimin e tyre,  duke sjellë vranësira të dendura dhe rrebeshe shiu përgjatë ultësirës Perëndimore, si edhe reshje dëbore në të gjithë zonën malore përgjatë shtrirjes Lindore.

Parashikohet që orët e vona të mbrëmjes, të sjellin dobësim të ndjeshëm të intensitetit të reshjeve në të gjithë territorin e vendit.

Temperaturat e ajrit do të pësojnë rritje në orët e mëngjesit, por ulen lehtë maksimumet duke luhatur vlerat ditore nga 0°C vlera më e ulët, deri në 15°C vlera më e lartë në rang territori.

Era do të fryjë e fortë si në tokë dhe në det me shpejtësi mbi 55 km/h nga drejtimi jugor, duke sjellë në brigjet e Adriatikut dhe Jonit dallgëzim deri në 4 ballë.