Aktualitet dhe Lajme
Një 35-vjeçar shqiptar gjendet i vdekur në një kanal vaditës në Greqi, ende nuk dihen shkaqet
![](https://nediber.com/wp-content/uploads/2024/06/ambulance-greke.jpg)
Një 35-vjeçar shqiptar është gjetur i vdekur në një kanal vaditës në Koulouta, Imathia.
Trupi i pajetë i shqiptarit u gjet mesditën e kësaj të mërkure nga forcat zjarrfikëse, ndërsa në vendngjarje ka mbërritur edhe policia.
Vendi ku u gjet i ndjeri nga Shqipëria, është në një zonë rurale midis fshatrave Diavatos dhe Kouloura të Imathia.
Operacionin e rikuperimit e kanë tentuar 15 zjarrfikës me 4 automjete duke përfshirë edhe ekipin e zhytësve me një varkë shpëtimi. Policia po kryen hetimet paraprake për rrethanat në të cilat ndodhi ngjarja tragjike./m.j
Huazuar nga Javanews.al