Mbi 12,000 rrënjë kanabis janë asgjësuar në qarkun Shkodër, nis hetimi për tre zyrtarë vendorë! Në kërkim autorët e kultivimit të drogës

Në kuadër të operacionit të gjerë “Koordinata”, Drejtoria Vendore e Policisë Shkodër dhe komisariatet nën varësi kanë asgjësuar mbi 12,200 bimë të dyshuara narkotike të llojit cannabis sativa në territorin e qarkut Shkodër.

Kontrollet janë intensifikuar duke përdorur inteligjencën policore, monitorimin nga ajri me dronë dhe patrullat këmbësore, me qëllim parandalimin dhe goditjen e kultivimit të paligjshëm të kanabisit.

Në njësinë administrative Pult janë asgjësuar 455 bimë narkotike. Për këtë rast është nisur procedimi ndaj inxhinierit të pyjeve A.M., për shpërdorim detyre dhe moskallëzim krimi.

Në njësinë administrative Temal, Vau i Dejës, u asgjësuan 11,748 bimë. Në lidhje me këtë rast janë proceduar kryeplaku i fshatit Kllogjen, Gj.G., dhe dy vrojtues pyjesh, P.Sh. dhe F.G., për shpërdorim detyre. Operacioni vijon intensivisht për identifikimin dhe ndjekjen penale të autorëve të këtyre rasteve.