Mbani çadrat me vete! Reshje shiu në zonat e ulta dhe bregdet, dëborë në zonat malore

Shërbimi Meteorologjik Ushtarak bëri të ditur se moti për ditën e diel diel vendi ynë do të ndikohet nga kushte atmosferike të paqëndrueshme për shkak të masave ajrore relativisht të thata me origjinë jugperëndimore.

Moti parashikohet me vranësira mesatare deri të dendura si dhe kthjellime të herëpashershme. Vranësirat në pjesën e parë të ditës do të pasohen nga reshje shiu me intensitet të ulët fillimisht përgjatë vijës bregdetare e më pas pritet të prekin pjesën më të madhe të territorit.

Nga orët e mesditës e pasdite reshjet parashikohen të jenë hera – herës me intensitet deri mesatar në formën e shtrëngatave afatshkurtra kryesisht në qendër e pjesërisht në jug. Në relievet e larta malore në juglindje të territorit reshje bore me intensitet të ulët.