Maqedoni e Veriut/ Erërat e forta dhe moti i keq shkaktojnë dëme në Shkup

Erërat e forta  dhe moti i keq kanë shkaktuar dëme në disa pjesë të qytetit të Shkupit.

Shërbimet kompetente po e ndjekin situatën me kujdes, ndërsa Qendra për Menaxhimin e Krizave është në koordinim të vazhdueshëm me të gjitha institucionet përkatëse në terren.

Sipas raportimeve ka dëme materiale dhe zjarre.

Siç informojnë nga ky institucion, Drejtori Muhamed Ali, së bashku me shërbimet e përhershme në QMK, i koordinojnë aktivitetet dhe informojnë të gjitha institucionet kompetente për të siguruar ndërhyrje në kohë për të siguruar lëvizjen e qytetarëve.