Lezhë, adoleshenti shantazhon 16 vjeçaren se do i publikonte foto nudo në Snapchat nëse nuk shkonte me të

Një 17 vjeçar është arrestuar pasi akuzohet se shantazhonte një adoleshente të cilës ia kishte vjedhur llogarinë në Snapchat.

Rasti u denoncua në media.

“16 vjeçarja shantazhohej nëpërmjet një llogarie të vjedhur, në rrjetin social Snapchat, se do t’i publikoheshin foto personale, nëse nuk kryente marrëdhënie seksuale me shtetasin që e shantazhonte” informoi sot policia e  Lezhës.

Policia arrestoi 17 vjeçarin, banues në Lezhë. Veprimet procedurale me të për këtë rast, vijojnë të kryhen në prezencë të familjarëve, mbrojtësit ligjor dhe psikologut.