Kina i drejtohet Trump: Nëse doni bisedime tregtare, anuloni tarifat
Kina i ka bërë thirrje SHBA-së që të anulojë tarifat e saj gjithëpërfshirëse për mallrat kineze që hyjnë në vend, si shenjë se Presidenti Donald Trump është serioz për zgjidhjen e luftës tregtare midis dy vendeve.
Një zyrtar kinez tha se nuk kishte pasur bisedime tregtare me SHBA-në, pavarësisht sugjerimeve të kundërta nga administrata Trump.
Lufta tregtare midis dy ekonomive më të mëdha në botë është përshkallëzuar, me Kinën që ka kthyer mbrapsht aeroplanët Boeing që porositi nga SHBA-ja në hakmarrjen e saj të fundit mbi tarifat. Por Trump është dukur se ka zbutur qëndrimin e tij ndaj Kinës, duke thënë se taksat që ai ka vendosur deri më tani mbi importet kineze do të “uleshin ndjeshëm, por nuk do të jenë zero”.
Në një nga deklaratat më të forta të Kinës mbi luftën tarifore, zëdhënësi i Ministrisë së Tregtisë He Yadong tha se SHBA duhet të heqë të gjitha “masat tarifore të njëanshme” kundër Kinës “nëse vërtet dëshiron” për të zgjidhur çështjen.
“Personi që ka lidhur zilen duhet ta zgjidhë atë”, shtoi ai.
Zëdhënësi i Ministrisë së Jashtme Guo Jiakun tha se Kina dhe SHBA “nuk kishin kryer konsultime apo negociata mbi tarifat, e lëre më të kishin arritur një marrëveshje”.
Ai shtoi se raportet për të kundërtën ishin “të rreme”.
Trump më parë tha se negociatat midis vendeve ishin “aktive” – por kjo u kundërshtua gjithashtu nga Sekretari amerikan i Thesarit Scott Bessent, i cili tha të mërkurën se ato nuk kishin filluar ende.
