Fortifikimi i kalasë së Grazhdanit

Fortifikimi i Grazhdanit

Fortifikimi i Grazhdanit ndodhet pranë fashtit Grezhdan, rreth 14 km larg qytetit të Peshkopisë.

Fortifikimi ngrihet mbi një pllajë, në anën e djathtë të Drinit të Zi. Ai renditet ndër kështjellat fushore të ndërtuara, për qëllime ushtarake, në periudhën e antikitetit të vonë (shek. IV m.Kr.). Fortifikimi me sipërfaqe rreth 34 ha është një ndër qendrat më të mëdha të kësaj periudhe në Shqipëri.

Ai mbrohet nga 42 kulla dhe mure me linja të drejta në përgjithësi, me gjerësi deri në 3,5 m. Vendndodhja e tij strategjike, në nyjën lidhse midis rrugës Egnatia dhe rrugës Lissus-Naissus, e bën atë një qendër të rëndësishme të antikitetit në vendin tonë.

Burimi:

Instituti Kombëtar i Trashëgimisë Kulturore