Fitore e PD më 11 Maj/ Rama replikon me tone të ashpra me komentuesin: Qoftë larg…

Ditën e sotme, kryeministri Edi Rama, ka replikuar me tone të ashpra ndaj një komenti, i cili uron fitoren e opozitës më 11 maj.

Kreu i qeverisë tha “qoftë larg” të fitojë zgjedhjet opozita, pasi sipas tij, jo vetëm do të shkrihet SPAK-u, por do të shtyhet edhe anëtarësimi i Shqipërisë në BE.

Komenti në FB: “Fitore e PD në 11 maj”!

Rama: “Larg qoftë, larg qoftë për fëmijët tanë, larg qoftë për vendin, për marrëdhëniet me BE. Mos harroni që BE nuk i sheh fare me sy ca tipa. Deri kur të hyjmë atje ka shumë rëndësi se kush qeveris këtu. Kur të hyjmë është më ndryshe, por deri atë ditë, ti thua Fitore, për çfarë për të shkrirë SPAK, për të kthyer përmbys atë që ka nisur si luftë emancipuese, transformuese kundër korrupsionit. Çfarë do fitosh, ky nuk është futboll. Çfarë do fitosh ti”?