E trishtë! Ndahet nga jeta aktorja e njohur!

Aktorja amerikane Michelle Trachtenberg ka ndërruar jetë në moshën 39-vjeçare. E njohur për rolet e saj në serialet “Gossip Girl” dhe “Buffy – Im Bann der Dämonen”, ajo u gjet e pajetë të mërkurën në një apartament në New York, raportojnë burimet policore për ABC News.

Sipas raportimeve, aktorja u gjet fillimisht pa ndjenja në apartamentin e saj në Midtown West. Shkaku i vdekjes ende nuk është bërë i ditur, por burime të afërta thonë se shëndeti i saj kishte qenë i rënduar muajt e fundit. Në postimet e fundit në Instagram, ku kishte mbi 800,000 ndjekës, fansat vunë re se ajo dukej e dobët dhe e lodhur, gjë që nxiti spekulime për gjendjen e saj shëndetësore. Megjithatë, Michelle i kishte mohuar shqetësimet duke deklaruar: “Jam 38 vjeç dhe ndihem e shëndetshme”.

Një karrierë që nisi në fëmijëri

Michelle Trachtenberg e nisi karrierën e saj që në moshën 3-vjeçare, duke u bërë një yll i ekranit në moshë të vogël. Ajo u bë e njohur në vitin 1996 me rolin kryesor në filmin “Harriet, detektivja e vogël”, kur ishte vetëm 11 vjeç. Më pas, rolet e saj si Dawn Summers në “Buffy” dhe Georgina Sparks në “Gossip Girl” e bënë atë një ikonë të serialeve për të rinj.

Pavarësisht suksesit të saj në ekran, Michelle kishte zgjedhur ta mbante jetën private larg vëmendjes së publikut.