E rëndë në plazhin e Divjakës, humb jetën pushuesi

Mesditën e kësaj të hëne, një ngjarje e rëndë ka ndodhur në plazhin e Divjakës, ku një pushues ka ndërruar jetë.

“Rreth orës 11:30, në plazhin e Divjakës, ka humbur jetën duke notuar në det, shtetasi V. Th., 70 vjeç, banues në Lushnjë”, njofton policia.

Paraprakisht, dyshohet se i moshuari ka pësuar arrest kardiak.

Grupi hetimor dhe eksperti mjekoligjor po punojnë për përcaktimin e shkakut të vdekjes, ndërsa vijon puna për sqarimin e plotë të rrethanave të rastit.