Dashnor Sula nuk zë vend, tërhiqet edhe nga lista e kandidatëve të “Shqipëria Bëhet”
Dashnor Sula i cili u mërzit se nuk ishte pjesë e listës së partisë Demokratike, dhe vetëm dy orë nga përfundimi i afatit zyrtar të depozitimit në KQZ të listave shumë-emërore të kandidatëve të partive politike që do garojnë zgjedhjet e 11 majit, duket se është bërë pishman për bashkimin e tij me nismën Shqipëria Bëhet.
Kjo pasi këtë të premte mësohet se Sula është tërhequr nga përfaqësimi i tij me këtë subjekt politik.
Ende janë të paqarta arsyet e këtij vendimi, por paradite nga Elbasani kryedemokrati Sali Berisha foli për këtë çështje., teksa tha se Sula është nxituar.
Berisha deklaroi se Dashnor Sula midis betejës në sheshin e burrave zgjodhi që të ikte. Por, theksoi kryedemokrati, “bëri gabim, por prapë ka kohë që ta mendojë atë vendim”.
“Sa i përket deputetit bëri zgjedhjen e tij, midis betejës në sheshin e burrave zgjodhi të ikte dhe shkoi në punë të vet, Bëri gabim por prap ka kohë që ta mendojë atë vendim”, tha Berisha.
