Celibashi vendosi ultimatum për heqjen e simboleve të PD nga selia, Basha zbaton urdhrin e KQZ pas ankimit të demokratëve (FOTO)

Gjatë seancës së 21 marsit në KQZ, kreu i Komisionit Qendror të Zgjedhjeve, Ilirjan Celibashi, ka urdhëruar Lulzim Bashën, të heqë simbolet e Partisë Demokratike nga ambientet private që ai përdor.

Ditën e sotme, në selinë e përdorur nga Basha është parë e vendosur logoja e Koalicionit Euro-Atlantik, nën të cilën ai garon në zgjedhjet e 11 majit.

Ultimatumi i Celibashit, erdhi pas një ankimimi nga ana e Partisë Demokratike, e kryesuar nga Sali Berisha.

Celibashi deklaroi se për zbatimin e urdhrit do të ngarkohej edhe policia bashkiake dhe ajo e shtetit, në rast se do të kishte kundërshtim për heqjen e simboleve të PD-së.

“Dakord me kërkesën e bërë nga subjekti zgjedhor PD për t’u hequr këto simbole nga ambientet private dhe për zbatimin e këtij vendimi do të ngarkohet policia bashkiake dhe ajo e shtetit. Do të caktojmë edhe një afat në lidhje me zbatimin e këtij vendimi”, u shpreh Celibashi në seancën e 21 marsit.