“Bufi i kënetës dhe Latifi”/ Chris LaCivita u përgjigjet etiketimeve të Ramës me imazhin e miut në kthetra

Përmes një postimi në platformën X (ish-Twitter), kryestrategu amerikan i fushatës së Partisë Demokratike, Chris LaCivita, ka vijuar “thumbimet” e tij ndaj kryeministrit Edi Rama

Vetëm 3 ditë para zgjedhjeve të 11 majit, LaCivita ka publikuar një foto simbolike që tregon një buf që ka kapur një mi, duke e shoqëruar me etiketimin e adresës zyrtare të kreut të qeverisë, Edi Rama, pa asnjë koment tjetër.

@ediramaal pic.twitter.com/qaAiOhhreU

— Chris LaCivita (@ChrisLaCivita) May 8, 2025

Kjo nuk është hera e parë që LaCivita përdor llogarinë e tij personale në X për të sulmuar Ramën, të cilin e ka krahasuar me një mi, në përgjigje të etiketimit të kryedemokratit Sali Berisha si “bufi i kënetës” nga ana e kryeministrit.

Megjithatë, këto replika në distancë janë vijuar edhe nga vetë Rama, që përveç cilësimeve ndaj Berishës, nuk ka nguruar të quajë LaCivita me tone ironike si “Latifi”.