Aktualitet dhe Lajme

Bardhi humbet një tjetër betejë në Gjykatë, rrëzohet kërkesa për të çregjistruar Bashën si kryetar të PD

Share

Gjykata e Tiranës nuk ka pranuar kërkesën e Këshillit Kombëtar të thirrur nga Gazmend Bardhi për të çregjistruar Lulzim Bashën si kryetar i Partisë Demokratike.

Ky vendim erdhi pasi Gjykata nuk ka legjitimuar Këshillin Kombëtar të thirrur nga Gazmend Bardhi në korrik të 2023.

Përfaqësuesit ligjorë të Rithemelimit kërkuar që gjykata të vendos pro vullnetit të Këshillit Kombëtar të 27 korrikut që autorizoi një grup deputetësh t’i drejtoheshin kësaj gjykate, duke mos e njohur si kryetar Lulzim Bashën. Vetë PD e Bashës e ka cilësuar më herët këtë vendim si jo legjitim.

Aktualisht PD është e ndarë në dy fraksione ku grupimi i Bashës zotëron vulën e partisë, ndërsa Rithemelimi pjesën më të madhe të demokratëve.

Lidhur me vendimin se kush është kryetar I PD-së, Gjykata e Lartë  ktheu për rigjykim në Apel çështjen pas vendimit të dhënë nga gjyqtari Agron Zhukri, që njohu Sali Berishën si kryetar të kësaj force politike.

/a.r


Huazuar nga Javanews.al

Back to top button