Ambasadori shqiptar në SHBA takohet me Sekretarin amerikan Marco Rubio/ Ervin Bushati: E ftova të vizitojë Tiranën

Ambasadori i Shqipërisë në SHBA, Ervin Bushati, është takuar me Sekretarin amerikan Marco Rubio, të cilin e ka ftuar në emër të kryeministrit Edi Rama të vizitojë Tiranën.

“E ftova edhe në emër të një kombi të vogël, por me një zemër të madhe si Nënë Tereza, mesazhi ynë nesër për në EU “më shumë dashuri edhe më shumë shërbim me përulësi”, shkruan Bushati.

Siç bën me dije ambasadori, Rubio ka pranuar ftesën me kënaqësi të vizitojë një vend që e vlerëson si kontributor në NATO, sidomos pas vizitës së fundit në Hagë.

“4 Korriku nuk është thjesht Dita e Pavarësisë së SHBA – është Deklarata e Lirisë & Demokracisë për gjithë Botën tonë”, shkruan Bushati më tej.