Aksident në aksin Këlcyrë-Përmet, plagoset shoferi

Një aksident ka ndodhur sot në aksin Këlcyrë-Përmet, afër Nenstacionit Elektrik, ku një automjet tip Opel, i drejtuar nga S.K. nga qyteti i Shkodrës, ka dalë nga rruga dhe ka përfunduar në kanal.

Menjëherë pas ngjarjes, forcat e policisë rrugore dhe ndihma e shpejtë kanë mbërritur në vendin e ngjarjes.

Shoferi, i cili ka pësuar dëmtime trupore pas përplasjes, është dërguar në spital për trajtim mjekësor.

Ndërkohë, zjarfikësit janë në terren për të siguruar perimetrin, pasi mjeti ka një sistem gazi që mund të shpërthejë. Situata është mbajtur nën kontroll dhe po vazhdojnë hetimet për zbardhjen e shkakut të aksidentit.