Aksident i rëndë në autostradën Milot-Morinë/ Makina del nga rruga, humb jetën shoferi dhe pasagjeri

Mbrëmjen e djeshme rreth orës 23:35, është regjistruar një aksident i rëndë në në autostradën Milot-Morinë, ku fatkeqësisht humbën jetën dy persona.

Njoftimi i policisë:

“Rreth orës 23:35, të datës 01.04.2025, në autostradën Milot-Morinë, automjeti tip “Benz” ”, i drejtuar nga shtetasi A.K., 50-vjeç, banues në Tiranë, ka dalë nga rruga.

Si pasojë ka humbur jetën drejtuesi i automjetit si dhe pasagjeri që ndodhej në automjet, shtetasi F.Gj., 35-vjeç, banues në Kukës.

Grupi hetimor po punon për zbardhjen e plotë të rrethanave dhe shkakut të daljes nga rruga të automjetit”.