A ishit edhe sot vullnetarisht në SPAK? Arbër Veliaj del nga SPAK, nuk prononcohet për mediat (VIDEO)

Vëllai i kryetarit të Bashkisë së Tiranës, Arbër Veliaj ka dalë nga ambientet e SPAK, pasi qëndroi vetëm 5 minuta aty.

Pasi ka dalë nga Struktura e Posaçme Antikorrupsion, ai nuk ka folur për mediat.

Sipas disa burimeve, ai ka dorëzuar disa dokumente tek hetuesit e Byrosë Kombëtare të Hetimit. Arbër Veliaj dorëzoi dokumentet, pas marrjes në pyetje për pesë orë me radhë.

Më 23 korrik, kryetari i Bashkisë së Tiranës, Erion Veliaj, u shpall zyrtarisht i pandehur, nën akuzat për korrupsion, deklarim të rremë të pasurisë dhe pastrim parash. Bashkë me të, është përfshirë në hetime edhe bashkëshortja e tij, Ajola Xoxa.

Që prej datës 10 shkurt të këtij viti, Veliaj ndodhet në paraburgim. Ai po hetohet në bashkëpunim me Ajola Xoxën dhe gjashtë sipërmarrës, ndër të cilët ndodhet edhe biznesmeni Elman Abule, i cili aktualisht është nën masën e arrestit shtëpiak.