Parashikimi i motit 21 Maj 2025, vranësira dhe rrebeshe shiu

Ditën e sotme vendi ynë, që në orët e para të mëngjesit do të dominohet nga alternime kthjellimesh dhe vranësirash të shpeshta, të cilat herë pas here do të gjenerojnë rrebeshe afat-shkurta shiu, ku më të dukshme do të poaraqiten në zonat Veriore dhe Qëndrore.

Parashikohet që orët e pasdites të vijojnë me vranësira dhe shira në të gjithë territorin, por intensiteti i tyre do të jetë i dobët.

Temperaturat e ajrit do të pësojnë rritje në të dy vlerat ekstremale ditore, ku më e ndjeshme do të jetë në mesditë.

Temperatura më e ulët do të shënohet në Peshkopi 8°C, ndërsa maksimumi do të ngjitet deri në 28°C në Vlorë dhe Sarandë.

Era do të fryjë mesatare deri e fortë, duke arritur shpejtësinë maksimale 50 km/h nga drejtimi Jugor, duke sjellë në brigjet detare dallgëzim mbi 3 ballë.