Shtyhet seanca për “Sterilizimin” në GJKKO, mungojnë ish-ministri Ilir Beqaj dhe avokati i tij
Gjykata e Posaçme Kundër Krimit dhe Korrupsionit, ka shtyrë për në datën 7 maj seancën për dosjen e “Sterilizimit”.
Raportohet se në sallë nuk ishte ish-ministri i Shëndetësisë, tashmë i arrestuar, Ilir Beqaj.
Po ashtu, mungon dhe avokati i Beqajt dhe seanca pritet të shtyhet për një datë tjetër.
Gjykata vendosi shtyrjen e seacnës për 7 Maj dhe pranoi kërkesën për pezullimin e afateve të paraburgimit, për të pandehurit në masë “arrest me burg” dhe “arrest shtëpie”.
Ish-ministri i Shëndetësisë, do të hetohet për “shpërdorim detyre e kryer në bashkëpunim” në procedurat e koncesionit nën masën e sigurisë “detyrim me paraqitje” dhe “ndalim të udhëtimit jashtë”.
Të pandehurit e tjerë të kësaj dosje janë Klodian Rjepaj, Ilir Rrapaj, Marsela Serjani, Saimir Kadiu, Petref Mersini, Arben Gjata, Genc Burazeri dhe Naile Ajazi.
