Aktualitet dhe Lajme

Plasin polemikat, Gjermania e tërbuar me Taylor: dhuratë për Spanjën, mister përse nuk ndërhyri VAR

Share

Anthony Taylor godet sërish. Spanja shkon në gjysmëfinale, ndërsa Gjermania është tërbuar duke qenë se i mungon një penallti e bujshme në kohën shtesë. Arbitri famëkeq anglez, ai i finales Roma-Sevilje të Europa League, është rikthyer në qendër të stuhisë. Në fund të një ndeshje, që duhet thënë se ishte shumë e vështirë, por që Taylor u përpoq ta menaxhonte, erdhi episodi determinues.

Në pjesën e dytë të shtesës Musiala mori topin në hyrje të zonës dhe shkarkoi të djathtën, topi goditi krahun e hapur të Cucurella, që u përpoq ta mblidhte, por e kishte ende larg pozicionit të pandëshkueshëm. Me pak fjalë, faulli i penalltisë ishte makroskopik, i shenjtë, i pakontestueshëm. Por jo për Taylor, që imitoi në mënyrë të pashpjegueshme krahun ngjitur me trupin, një situatë që në fakt nuk ekziston. Mbrojtësi spanjoll mbeti i ngurtësuar për disa sekonda, u zbeh dhe më pas rimori ngjyrën kur kuptoi se aksioni vazhdoi për shkak të gabimit kolosal të arbitrit. Megjithatë, mungesa e ndërhyrjes VAR mbetet një mister.

Lexo më tej: Video/ Aufiderzein Gjermani, Spanja bëhet gjysmëfinalistja e parë: fitore në minutën e 118’ mes polemikave

PRECEDENTI

Bilbili 45-vjeçar nga Mançesteri, mbahet mend mirë nga tifozët e Romës, të dënuar në finalen e Europa League në maj 2023 nga gafat e Taylor. Penallti shumë e dyshimtë e dhënë për Sevilla, penallti e mohuar ndaj Romës për shkak të një prekje me dorë të Fernando, shumë e ngjashme me atë të Cucurella (ndoshta nuk e ka të qartë rregulloren), menaxhim shumë i dyshimtë i kartonave (Rakitic nuk u ndëshkua me të kuqe). Një paraqitje tronditëse dhe e tillë sa për të shfrenuar inatin e Jose Mourinho, i cili në barkun e stadiumit të Budapestit e konfrontoi me fytyrë të ashpër duke bërtitur “je një turp”, duke e përkeqësuar më pas situatën në ditët në vijim.





Huazuar nga Lapsi.al

Back to top button