Aksident në Bulqizë, makina përplas për vdekje këmbësoren 59-vjeçare

Një aksident me pasojë vdekjen e një gruaje 59 vjeç ka ndodhur mesditën e sotme në vendin e quajtur “Ura e Vocit” në Bulqizë.

Burime bëjnë me dije se 64-vjeçari S.H., duke drejtuar automjetin e tij ka humbur kontrollin dhe për pasojë ka përplasur për vdekje këmbësoren me inicialet H.M.

Drejtuesi i automjetit është shoqëruar në komisariat për veprime të mëtejshme, ndërsa grupi hetimor ndodhet në vendngjarje dhe po punon për zbardhjen e shkaqeve dhe rrethanave të aksidentit.